అడగండి-చెబుతాను : సెక్సు సందేహాలకు జవాబులు

హాయిగా పెళ్ళి చేసుకుని రతిలో పాల్గొనవచ్చు. భార్యాభర్తల బ్లడ్ గ్రూప్స్ ఒకటిగా ఉండటమూ, వేరుగా ఉండటమూ సాధారణంగా వారి పెళ్ళికీ, రతికీ అడ్డంకి కాదు. బ్లడ్ గ్రూప్ ఒకటే అయినందుకు భార్యాభర్తలకు జబ్బులు వస్తాయనే భయం అవసరం లేదు.

అయితే గర్భధారణ విషయంలో ABO blood గ్రూప్ తో పాటు Rh factor అనే మరో అంశం ఉంటుంది. ముఖ్యంగా తల్లి Rh-negativeగా, బిడ్డ Rh-positiveగా ఉన్న కొన్ని సందర్భాల్లో ప్రెగ్నెన్సీకి సంబంధించిన సమస్యలు రావచ్చు. కానీ అది భార్యాభర్తల blood group ఒకటే కావడం వల్ల కాదు; అంతేకాదు, వైద్య పర్యవేక్షణలో నివారణ చికిత్స తీసుకుని ఈ సమస్యను చాలా వరకు నివారించవచ్చు.

కాబట్టి బ్లడ్ గ్రూప్ ఒకటే అని పెళ్లి చేసుకోకూడదని గానీ, రతిలో పాల్గొనకూడదని గానీ అనుకోవాల్సిన అవసరం లేదు.

మీరు అడిగిన సమస్యలన్నిటికీ మీరనుకున్నదే కారణం కాదు. వేర్వేరు కారణాలు ఉండవచ్చు. అవేమిటో వివరంగా చూద్దాం:

• చనులలో నొప్పి, బరువుగా అనిపించడం:
  చనుమొనల చుట్టూ ఉండే చర్మం చాలా సున్నితంగా ఉంటుంది. రతి సమయంలో ఎక్కువ సేపు గట్టిగా చీకడం లేదా నొక్కడం వల్ల ఆ తర్వాత నొప్పి, బరువుగా అనిపించడం సహజం. ఆమెకు ఆ ప్రేరణ ఇష్టమైనప్పటికీ, తీవ్రతని, సమయాన్ని కాస్త తగ్గించి చూడండి. ఇద్దరికీ సౌకర్యంగా ఉండేలా మృదువైన స్పర్శను ప్రయత్నించడం మంచిది.

• ఛాతీ నొప్పి, కడుపులో మంట:
  ఇది చనులను పీల్చడం వల్ల వచ్చేది కాదు. కడుపులో ఎసిడిటీ లేదా అసిడ్ రిఫ్లక్స్ (GERD) వల్ల కడుపులో మంటతో పాటు ఛాతీలో అసౌకర్యం రావచ్చు. అయితే, ఛాతీ నొప్పి పదేపదే వస్తున్నా, లేదా ఊపిరి ఆడకపోవడం, చెమటలు పట్టడం వంటి లక్షణాలు ఉన్నా వెంటనే వైద్యుడిని సంప్రదించాలి.

• తెల్లబట్ట (Vaginal Discharge):
  యోని నుంచి తెల్లటి స్రావాలు రావడం సాధారణ ఆరోగ్య సంకేతమే. దుర్వాసన, దురద, మంట లేదా రంగు మారడం (పసుపు/ఆకుపచ్చ) వంటివి లేకపోతే ఆందోళన పడాల్సిన పనిలేదు. ఒకవేళ దురద, మంట లాంటివి ఉంటే ఇన్ఫెక్షన్ కావచ్చు కాబట్టి గైనకాలజిస్ట్‌ను సంప్రదించాలి.

రతి అనేది ఇద్దరికీ ఆనందాన్ని ఇవ్వాలి గానీ తర్వాత నొప్పిని మిగల్చకూడదు. కాబట్టి స్పర్శ తీవ్రతను కాస్త తగ్గించి, మిగిలిన ఆరోగ్య సమస్యలు తరచూ వేధిస్తుంటే ఒకసారి డాక్టర్‌కు చూపించుకోవడం మంచిది.

మీ ఉత్తరంలో లైంగిక సమస్య ఒక్కటే కనిపించడం లేదు. భార్యాభర్తల మధ్య దూరం, భార్యపై మీకు కలిగిన అనుమానం, ఆ అనుమానంతో కలుగుతున్న ఆవేదన, దాని నుంచి తప్పించుకోవడానికి మొదలు పెట్టిన తాగుడు, చివరికి లైంగిక సామర్థ్యంపై ఏర్పడిన భయం — ఇవన్నీ ఒకదానితో ఒకటి ముడిపడి ఉన్నట్టుగా కనిపిస్తున్నాయి.

మొదట ఒక విషయం గుర్తుంచుకోండి. పెళ్ళయిన మొదటి రోజుల్లో రోజుకు రెండు మూడుసార్లు రతి చేయగలిగారు కాబట్టి, జీవితాంతం అదే స్థాయిలో ఉండాలి అనుకోవాల్సిన అవసరం లేదు. కొత్త మోజులో అలా ఉంటుంది. కొత్తదనం తగ్గేక ఆ జోరు తగ్గడం సహజం. ఇక, వయసు పెరిగేకొద్దీ సెక్సు కోరిక, ఉద్రేకం, అంగస్తంభన, శారీరక శక్తి వంటివాటిలో మార్పులు కొంచెంకొంచెంగా రాక తప్పదు. అదీగాక, సెక్స్ లో ఫలానా అన్నిసార్లు పాల్గొనాలని  ఏం ఉండదు.  

అయితే ఇప్పుడు రతిలో సరిగా పాల్గొనలేకపోవడం, రతి తర్వాత చాలా నీరసంగా అనిపించడం, మిమ్మల్ని చూసుకుని మీరు సిగ్గుపడటం, వంటి విషయాలు ఉన్నందువల్ల దీనిని కేవలం “వయసు అయిపోయింది” అని అనుకుని వదిలేయడం కూడా మంచిది కాదు. మధుమేహం, రక్తపోటు, కొన్ని మందులు, హార్మోన్ల మార్పులు, ఇతర ఆరోగ్య సమస్యలు, నిద్ర సమస్యలు, మానసిక ఒత్తిడి, ఆందోళన లేదా నిరాశ — ఇలా చాలా అంశాలు లైంగిక సామర్థ్యాన్ని ప్రభావితం చేస్తాయి. కాబట్టి మీ సమస్య వెనుక శారీరక కారణాలేమైనా ఉన్నాయా అని ఒక వైద్యుడిని, అవసరమైతే యూరాలజిస్టును సంప్రదించి పరిశీలించుకోవడం మంచిది.

ఇకపోతే,  మీ భార్యకు వేరొక వ్యక్తితో సంబంధం ఉందనే అనుమానం నిజమా కాదా అనేది ఈ ఉత్తరంతో చెప్పలేం. ఆ అనుమానాన్ని నిజమని భావించి దాని చుట్టూనే మిగతా సమస్యను అల్లడం మీ ఇద్దరి మధ్య దూరాన్ని ఇంకా పెంచుతుంది.

మీ భార్య మీతో మాట్లాడకపోవడం, మీ దగ్గరకు రావడానికి ఇష్టపడకపోవడం వెనుక మీ సెక్సు సమస్యే కారణమని అనుకోవడానికి వీల్లేదు. ఆమెకు కూడా తనవైన బాధలు, అసంతృప్తులు, భయాలు లేదా మీ ఇద్దరి రిలేషన్స్ కి సంబంధించిన సమస్యలు ఉండవచ్చు. మీ తాగుడు, ఆ తర్వాత మీ ప్రవర్తన కూడా ఆమెలో వ్యతిరేకత కలిగించి ఉండొచ్చు. అవేమిటో ఆమె మాటల్లో తెలుసుకోవాల్సి ఉంటుంది.

ఇక్కడ ఇంకో ముఖ్యమైన విషయం ఉంది. సెక్సు సరిగా చేయలేనేమో అనే భయం పట్టుకుందంటే ఇక అదే మీ లైంగిక సమస్యను మరింత పెంచగలదు. “ఈసారి కూడా సరిగ్గా జరగదేమో” అనే ఆలోచనతో దగ్గరవుతున్నప్పుడు ఆందోళన పెరుగుతుంది. దీన్నే పెర్ఫార్మెన్స్ ఏంగ్జయిటీ అంటాం. ఆందోళన పెరిగితే అంగస్తంభనకు అవసరమైన సహజ కామ స్పందనలు కూడా బలంగా కలగవు. అప్పుడు మరోసారి విఫలమవుతాననే భయం మరింత పెరుగుతుంది. ఇలా ఒక విషవలయం ఏర్పడవచ్చు.

తాగడం ద్వారా ఈ బాధను కొంతసేపు మర్చిపోగలరేమో, కానీ అది పరిష్కారం కాదు. మద్యం ఎక్కువగా తీసుకోవడం వల్ల ఇటు లైంగిక పనితీరు, అటు మానసిక ఆరోగ్యం, దాంపత్యసంబంధాలు మరింత దెబ్బతినే అవకాశం ఉంది. అందువల్ల ఆవేదనను తాగుడుతో అణచివేయడం కంటే, ఆ సమస్యను నేరుగా ఎదుర్కోవడం కోసం కౌన్సిలింగ్ తీసుకోవడం మంచిది.

మీరిద్దరూ సిద్ధంగా ఉంటే జంటగా ఒక counselor లేదా psychosexual therapistను సంప్రదించడం బాగా ఉపయోగపడవచ్చు. అక్కడ ఉద్దేశం ఎవరు తప్పు చేశారో తేల్చడం కాదు; మీ ఇద్దరి మధ్య ఏమి జరుగుతోందో అర్థం చేసుకోవడం, అనుమానాలు, బాధలు, భయాల గురించి మాట్లాడుకోవడం, లైంగిక సంబంధంపై ఏర్పడిన ఒత్తిడిని తగ్గించడం, మళ్ళీ ఆత్మీయతను పెంచుకోవడానికి వీలైన మార్గాలను కనుక్కోవడం.

మీరు ఇప్పుడున్న పరిస్థితిలో “నేను మగాడిగా విఫలమయ్యాను” అని మిమ్మల్ని మీరు నిందించుకోవాల్సిన అవసరం లేదు. లైంగిక సామర్థ్యంలో వచ్చిన మార్పు మనిషి విలువను నిర్ణయించదు. ఇది ఒక ఆరోగ్య సమస్య కావచ్చు, ఒక మానసిక సమస్య కావచ్చు, ఒక రిలేషన్షిప్ సమస్య కావచ్చు — లేదా ఇవన్నీ కొంతకొంత కలిసి ఉండవచ్చు. కారణాలను విడదీసి చూస్తే పరిష్కారం వెతకడం చాలా సులభమవుతుంది.

అందువల్ల నా సూచన — మొదట వైద్య పరీక్షలు చేయించుకుని శారీరక కారణాలేమైనా ఉన్నాయా తెలుసుకోండి. అదే సమయంలో తాగుడు మానడానికి సహాయం (అవసరమైతే) తీసుకోండి. మీరిద్దరూ చర్చించుకుని couples counselling, psychosexual counseling ద్వారా ఈ మొత్తం సమస్యను పరిష్కరించుకునే ప్రయత్నం చేయండి. Erectile difficulties కి medical evaluation తో పాటు psychosexual support ను కలపడం మెరుగైన ఫలితాలిస్తుంది.

వీర్యంలో ఒకటి రెండుసార్లు కొద్దిగా రక్తం కనిపించడం మాత్రమే ఉంటే చాలా సందర్భాల్లో పెద్ద ప్రమాదం ఏమీ ఉండకపోవచ్చు. కానీ మీ విషయంలో వీర్యంలో రక్తం రావడంతో పాటు మూత్రంలో కూడా రక్తం కనిపించింది, అది మళ్ళీ మళ్ళీ వస్తోంది అంటున్నారు. కాబట్టి దీన్ని నిర్లక్ష్యం చేయడానికి వీల్లేదు. మీరు  యూరాలజిస్టును కలసి పరీక్ష చేయించుకోవడం మంచిది.

వీర్యంలో రక్తం కనిపించడాన్ని హెమటోస్పెర్మియా అంటారు. చిన్న వయసులో దీనికి ఇన్ఫెక్షన్ లేదా వాపు, మూత్రనాళం లేదా ప్రోస్టేటుకు సంబంధించిన సమస్యలు, వీర్యాన్ని తీసుకువెళ్లే మార్గాల్లో చిన్న రక్తస్రావం, కొన్నిసార్లు స్థానిక గాయం లేదా irritation వంటి కారణాలు ఉండవచ్చు. చాలాసార్లు కారణం తీవ్రమైనది కాకపోవచ్చు. ముఖ్యంగా యువకుల్లో ఒక్కసారి వచ్చి మళ్ళీ రాకపోతే పెద్దగా ఆందోళన పడక్కర్లేదు.

కానీ మీకు మూత్రంలో కూడా రక్తం కనిపించింది కదా! మూత్రంలో రక్తానికి – మూత్ర వ్యాధులు, మూత్రపిండాల్లో కాని, మూత్ర సంచి (బ్లేడరు) లో కాని రాళ్ళుండటం, ఇతర మూత్రపిండ సమస్యలు, మూత్రనాళంలో సమస్యలు వంటి అనేక కారణాలు ఉండవచ్చు. మీ వయసును బట్టి అనవసరంగా భయపడాల్సిన అవసరం లేకపోయినా, కారణాన్ని పరీక్షించి తెలుసుకోవడం ముఖ్యం.

మీరు డాక్టర్ని కలిసినప్పుడు కొన్ని విషయాలు చెప్పడం ఉపయోగపడుతుంది: వీర్యం పడేటప్పుడు రక్తం మొదట్లో కనిపిస్తుందా, చివర్లోనా, లేక వీర్యం అంతా ఎర్రగా మారుతుందా? అలాగే, మూత్రంలో రక్తం మొదట్లోనా, చివర్లోనా, మొత్తం మూత్రంలోనా? మూత్రం పోసేటప్పుడు మంట లేదా నొప్పి ఉందా? తరచుగా మూత్రం వస్తుందా? నడుము లేదా పొత్తికడుపులో నొప్పి ఉందా? జ్వరం ఉందా? ఇటీవల ఏదైనా దెబ్బ తగిలిందా? ఏమైనా మందులు వాడుతున్నారా ? — ఇవన్నీ డాక్టర్‌కు డయాగ్నసిస్ లో ఉపయోగపడతాయి.

మీ లక్షణాలు, examination, urine findings మొదలైన వాటిని బట్టి డాక్టరు అవసరమైన టెస్టులు చేయిస్తారు.

ముఖ్యంగా, హస్తప్రయోగం చేసుకున్నందుకే ఈ సమస్య వచ్చిందని అనుకోవద్దు. హస్తప్రయోగం ఒక సాధారణమైన లైంగిక ప్రవర్తన. పదేపదే రక్తం హస్తప్రయోగం వల్లే వచ్చిందని అనుకుని వదిలేయకుండా పరీక్షించుకోవడం మంచిది.

కాబట్టి — భయపడకుండా - కానీ ఆలస్యం చేయకుండా - యూరాలజిస్టును కలవండి.

పిల్లలు కనకముందు, పిల్లలు కన్న తరువాత స్త్రీకి కామవాంఛ తప్పనిసరిగా ఒకే విధంగా ఉంటుందని గానీ, పిల్లలు కన్న తరువాత తప్పనిసరిగా ఎక్కువ అవుతుందని గానీ చెప్పలేం. ప్రతి స్త్రీలో కామవాంఛ (sexual desire) మారే తీరు వేరుగా ఉంటుంది.

ప్రసవం తర్వాత స్త్రీకి కొంతకాలం లైంగిక కోరిక తగ్గడం చాలా సాధారణం. ప్రసవం వల్ల కలిగిన శారీరక మార్పులు, నొప్పి, అసౌకర్యం, అలసట, నిద్ర సరిగ్గా లేకపోవడం, బిడ్డ సంరక్షణలో ఉండే ఒత్తిడి, పాలిచ్చే సమయంలో వచ్చే హార్మోను మార్పులు, తన శరీరంలో వచ్చిన మార్పుల గురించి కలిగే భావనలు — ఇవన్నీ లైంగిక కోరికపై ప్రభావం చూపవచ్చు.

అందుకే ప్రసవం అయిన వెంటనే “కామం ఎప్పటినుంచి వస్తుంది?” అనే దానికి ఒక నిర్దిష్టమైన సమయం చెప్పడం సాధ్యం కాదు. కొందరిలో కొంతకాలం కోరిక తక్కువగా ఉండవచ్చు; మరికొందరిలో పెద్దగా మార్పు ఉండకపోవచ్చు. శారీరకంగా, మానసికంగా సౌకర్యంగా అనిపించినప్పుడు, దంపతులిద్దరికీ ఆసక్తి ఉన్నప్పుడు ఆమెలో సెక్సు కోరికలు కలగవచ్చు.

అయితే మీరు అడిగిన రెండో ప్రశ్నలో ఒక ఆసక్తికరమైన విషయం ఉంది – పిల్లలు పుట్టిన తరువాత కొంతమంది స్త్రీలు తమ లైంగిక కోరికను మరింత స్వేచ్ఛగా వ్యక్తం చేయడం కనిపించవచ్చు. దాని అర్థం ఆమెలో కామవాంఛ ‘‘పెరిగిందని’’ కాదు.

పెళ్ళయి కొంతకాలం గడవడం, భర్తతో సాన్నిహిత్యం పెరగడం, లైంగిక అనుభవం రావడం, ఒకరినొకరు బాగా అర్థం చేసుకోవడం వల్ల మొహమాటం తగ్గడం సహజం. తనకు ఏది ఇష్టం, ఏది ఇష్టం కాదు అనే విషయాలను కూడా కొంతమంది స్త్రీలు కాలక్రమంలో మరింత స్పష్టంగా చెప్పగలుగుతారు.

అంతమాత్రాన “పిల్లలు కన్న తరువాత స్త్రీకి కామవాంఛ ఎక్కువ అవుతుంది” అంటూ సామాన్యీకరించడం మాత్రం సరైనది కాదు. కొంతమందిలో కోరిక పెరగవచ్చు. లేదా దాన్ని వ్యక్తం చేసే స్వేచ్ఛ పెరగవచ్చు; మరికొందరిలో ప్రసవానంతరం కొంతకాలం కోరిక తగ్గవచ్చు. ఇవన్నీ సహజమైన వ్యక్తిగత భేదాలే.

కాబట్టి ప్రసవం తరువాత స్త్రీలో వచ్చిన మార్పును కేవలం “కామం పెరిగింది” అని అర్థం చేసుకోవడం కంటే, ఆమె శారీరక స్థితి, హార్మోన్ల మార్పులు, మానసిక స్థితి, దాంపత్య సంబంధం, అలసట, పాలిస్తూండటం మొదలైనవన్నీ కలిపి చూడటం మంచిది.

ముఖ్యంగా, స్త్రీ తన సెక్సు కోరికను వ్యక్తం చేయడంలో చొరవ చూపడం కూడా సహజమే! మంచిదే! దాన్ని ఆమె వ్యక్తిత్వంలో వచ్చిన ‘తేడా’గా గానీ, పిల్లలు పుట్టిన తరువాత వచ్చిన ఏదో అసాధారణ మార్పుగా గానీ చూడాల్సిన అవసరం లేదు.

అవును, ప్రతి సంప్రదింపు మరియు కౌన్సిలింగ్ వివరాలు పూర్తిగా గోప్యంగా ఉంచబడతాయి. వైద్య గోప్యతా నియమాలు ఖచ్చితంగా పాటించబడతాయి.

మీ భార్యని పిల్లల్ని కనే యంత్రంగానూ, సెక్సు యంత్రంగానూ భావించకండి. అది చాలా తప్పు.

మీరు చెప్పిన వివరాల ప్రకారం, తొలి గర్భధారణలో ఆమెకు చాలా ఎక్కువ బి.పి. వచ్చి ఫిట్సు కూడా వచ్చాయి. అది ఎక్లాంప్సియా అనే తీవ్రమైన ప్రెగ్నెన్సి కాంప్లికేషన్ అయిఉండవచ్చు. అటువంటి పరిస్థితిలో తల్లి, బిడ్డల ప్రాణాలను కాపాడటానికి అత్యవసరంగా ప్రసవం చేయాల్సి రావచ్చు. భవిష్యత్తులో మళ్ళీ గర్భం వస్తే ఇలాంటి సమస్యలు పూర్తిగారావని చెప్పలేం; గతంలో ప్రీ ఎక్లాంప్షియా/ ఎకాంప్షియా  ఉన్నవారికి తరువాతి ప్రెగ్నెన్సీలో మళ్ళీ preeclampsia వచ్చే ప్రమాదం ఎక్కువగా ఉంటుంది. అందుకే మరో ప్రెగ్నెన్సీ గురించినిర్ణయించే ముందు ఆమెను obstetrician పరిశీలించడం మంచిది.

అ “ఇంకా రెండు కాన్పులు తప్పకుండా కావాలి” అని ఇంట్లో వాళ్ళు నిర్ణయించడం సరైనది కాదు. ఆమెకు పిల్లలు కావాలా, ఎంత మంది కావాలి, ఎప్పుడు కావాలి అనేది ఆమెఅభిప్రాయంతో పాటు మీ ఇద్దరూ కలిసి నిర్ణయించుకోవలసిన విషయం. కుటుంబంలోని ఇతరుల కోరిక ప్రకారం దానిని నిర్ణయించకూడదు.

అలాగే ఒకసారి సిజేరియన్ ఆపరేషన్ అయిందని ప్రతి తరువాతి కాన్పుకూ తప్పనిసరిగా సిజేరియన్ చేయాల్సిందే అనే నియమం లేదు. కొంతమంది స్త్రీలకు తరువాతి ప్రెగ్నెన్సీలో నార్మల్ డెలివరీ (vaginal birth after cesarean VBAC) అయ్యే అవకాశం కూడా ఉంటుంది. మరికొందరికి మళ్ళీ C-section అవసరం కావచ్చు. మునుపటిఆపరేషన్ ఎందుకు జరిగింది, గర్భాశయంపై ఎలాంటి కోత (incision) చేశారు, ప్రస్తుత pregnancyపరిస్థితి ఏమిటి వంటి విషయాలను బట్టి ప్రసూతి నిపుణులు నిర్ణయిస్తారు.

ఇక ఒక కాన్పుకీ తరువాతి ప్రెగ్నెన్సీకీ మధ్య చాలా తక్కువ వ్యవధి ఉండటం మంచిది కాదు. సాధారణంగా తదుపరి pregnancyని ఆరు నెలలలోపే మొదలుపెట్టకుండా ఉండటం, సాధ్యమైతే సుమారు 18 నెలలు వేచి ఉండటం మంచిదని వైద్యులు సూచిస్తున్నారు. ముఖ్యంగా గతంలో C-section జరిగినవారిలో చాలా తక్కువ గ్యాప్ వల్ల కాంప్లికేషన్లు కలగవచ్చు.

అందువల్ల “మూడు నాలుగు సంవత్సరాలు తప్పనిసరిగా ఆగాలి” అని కానీ, “ఎప్పుడు కావాలంటే అప్పుడు మళ్ళీ pregnancy” అని కానీ అనుకోకుండా ఆమె ఆరోగ్యం, గతeclampsia తీవ్రత, C-section వివరాలు, ప్రస్తుత ఆరోగ్యం, మీ ఇద్దరి భవిష్యత్ ప్రణాళిక - ఇవన్నింటినీ బట్టి కాన్పుల మధ్య గ్యాప్ ని నిర్ణయించుకోవడం మంచిది.

ఇక మీ సెక్సు ప్రశ్న విషయానికొస్తే, ప్రసవం అయిన తరువాత సుమారు ఆరు వారాలు వేచి ఉండమని డాక్టర్లు సూచిస్తారు. కానీ ముఖ్యంగా C-section తర్వాత ఆమె శరీరంకోలుకోవడం, బ్లీడింగ్ తగ్గడం, గాయం మానడం, నొప్పి లేకపోవడం వంటి విషయాలు కూడా చూడాలి. ముఖ్యంగా ఆమె కూడా మానసికంగా, శారీరకంగా సిద్ధపడాలి.

మీరు “సెక్సు కోర్కెలను తట్టుకోలేకపోతున్నాను” అంటున్నారు. మీ కోరిక సహజమే. కానీ ఆ కోరికను తీర్చుకోవడం కోసం భార్య ఇంకా కోలుకోకముందే ఆమెను సెక్సులోకి ఒత్తిడిచేయడం మాత్రం సరైంది కాదు. ఆమెకు నొప్పి లేకుండా, భయం లేకుండా, ఆమెకూ కోరిక ఉన్నప్పుడే మళ్ళీ ప్రారంభించడం ముఖ్యం. రతి అసౌకర్యంగా ఉంటే కొంతకాలంpenetration లేకుండా ఇతర రకాల ప్రణయ కలాపాలలో పాల్గొన వచ్చు.

ప్రసవం తరువాత బహిష్టులు ఎప్పుడు వస్తాయో కూడా ఒకే సమయం చెప్పలేం. పాలివ్వని స్త్రీలో కొన్ని వారాల్లోనే తిరిగి రావచ్చు. పాలిచ్చే స్త్రీలో అది ఆలస్యం కావచ్చు. ముఖ్యంగాబహిష్టులు ఇంకా రాలేదని గర్భం రాదని అనుకోవడం పొరపాటు — మొదటి period రావడానికి ముందే ovulation జరిగి, గర్భం రావచ్చు.

పూర్తిగా లేదా దాదాపు పూర్తిగా పాలిచ్చే తల్లి విషయంలో LAM — Lactational Amenorrhea Method అనే తాత్కాలిక గర్భనిరోధక పద్ధతి ఉపయోగపడుతుంది. అయితే దానికిమూడు షరతులు ఉన్నాయి: - బిడ్డకు ఆరు నెలలు నిండకపోవడం, తల్లికి ఇంకా బహిష్టులు రాకపోవడం, బిడ్డకు తరచుగా కానీ, పూర్తిగా/దాదాపు పూర్తిగా తల్లిపాలు మాత్రమేఇవ్వడం! ఈ షరతుల్లో ఏది తప్పినా, మరో గర్భనిరోధక పద్ధతి పాటించడం అవసరం.

Copper-T లేదా hormonal IUD, implant, progestin-only pill, condoms వంటి అనేక పద్ధతులు ఉన్నాయి. కొన్ని IUDలను ప్రసవం జరిగిన వెంటనే కూడా పెట్టవచ్చు; breastfeeding సమయంలో కూడా అనేక contraceptive methods సురక్షితంగా ఉపయోగించవచ్చు. ఏది ఆమెకు సరిపోతుందో ఆమె ఆరోగ్యం, breastfeeding, భవిష్యత్తు ప్లాన్లు, ఆమె ఇష్టం వంటి విషయాలను బట్టి ఆమె గైనకాలజిస్ట్తో కలిసి నిర్ణయించుకోవడం మంచిది.

ఒకవేళ భవిష్యత్తులో పిల్లలు వద్దని మీ ఇద్దరూ నిర్ణయించుకుంటే శాశ్వత గర్భ నిరోధం కూడా ఒక మార్గం.. కానీ అది కూడా మీ ఇద్దరూ మంచి చెడ్డలు చర్చించుకున్నాకనే తప్ప, కుటుంబంలోని ఇతరుల ఒత్తిడితో చేయకూడదు.

ఇక మీ చివరి ప్రశ్న — ఫ్రెన్యులం అందరికీ తెగదు. తెగాల్సిన అవసరం కూడా లేదు. ఫ్రెన్యులం అనేది foreskinను అంగ శీర్షానికి కు కలిపే సున్నితమైన టిష్యూ. సెక్స్ చేసినంతమాత్రాన అది తప్పనిసరిగా తెగిపోవాల్సిన పని లేదు. కొందరిలో అది చిన్నదిగా లేదా బిగుతుగా ఉండి తరచుగా నొప్పి, రక్తస్రావం లేదా చినుగులు కలిగిస్తే మాత్రం యూరాలజిస్ట్ కి  చూపించుకోవచ్చు.

మొత్తానికి, ఈ సందర్భంలో ముఖ్యమైనది మీ భార్య శరీరాన్ని త్వరగా “మళ్ళీ సిద్ధం చేయడం” కాదు. ఆమె పూర్తిగా కోలుకోవడం, మీ ఇద్దరూ కలిసి తదుపరి pregnancy గురించినిర్ణయించుకోవడం, తగిన birth spacing పాటించడం, మీ ఇద్దరికీ నచ్చిన గర్భనిరోధక పద్ధతిని ఎంచుకోవడం — ఇవే ముఖ్యం.

మనసుకీ మల్లెపూలకీ సంబంధం ఉన్నప్పుడు సెక్సుకీ, మల్లెపూలకీ ఉండదా?

మల్లెపూలకు సెక్స్‌కు విడదీయరాని సంబంధమే ఉంది. ఇది కేవలం మన సంప్రదాయానికో, నమ్మకాలకో మాత్రమే పరిమితం కాదు; దీని వెనుక సైంటిఫిక్ కారణాలు కూడా ఉన్నాయి.

• నాడీ వ్యవస్థపై ప్రభావం (Neuroscience & Mood): మల్లెపూల సువాసన మెదడులోని ‘లింబిక్ సిస్టమ్’ (Limbic System) పై ప్రభావం చూపుతుంది. ఇది మనస్సులోని ఒత్తిడిని, ఆందోళనను తగ్గించి ప్రశాంతతను కలిగిస్తుంది. శృంగారంలో పాల్గొనడానికి మనస్సు ప్రశాంతంగా ఉండటం మొదటి అవసరం.

• సహజ కామోద్దీపన (Natural Aphrodisiac): మల్లెపూలలో ఉండే ‘ఇండోల్’ (Indole), ‘జస్మోన్’ (Jasmone) వంటి రసాయనాలు నరాల వ్యవస్థను ప్రేరేపిస్తాయి. ఆరోమాథెరపీ (Aromatherapy) పరిశోధనల ప్రకారం, ఈ సువాసన పీల్చినప్పుడు శరీరంలో ఉత్సాహం పెరిగి, శృంగార భావనలు (Sexual arousal) తేలిగ్గా కలుగుతాయి.

• సాంస్కృతిక అంశాలు: మన సంప్రదాయంలో మొదటిరాత్రి (శోభనం వేళ) మల్లెపూలను ఉపయోగించడం వెనుక ఓ సైకాలజీ ఉంది. పూల సువాసన, ఆహ్లాదకరమైన వాతావరణం దంపతుల్లోని బెరుకుని పోగొట్టి, ఒకరికొకరు దగ్గరయ్యేలా చేస్తాయి.

• సైకాలజీ ప్రకారం:  కొన్ని వాసనలు మనలోని జ్ఞాపకాలను, భావోద్వేగాలను, ఎవరితోనో సాన్నిహిత్యాన్ని ప్రభావితం చేయగలవు. అందువల్ల కొన్ని సందర్భాల్లో ఒక ప్రత్యేకమైన వాసన మనకు ప్రేమ, ఆప్యాయత లేదా లైంగిక సాన్నిహిత్యాన్ని గుర్తు చేసి sexual arousalకు దోహదపడవచ్చు. ఆ రకంగా చూస్తే మల్లెపూల వాసన కూడా కొందరికి అలాంటి pleasant association కలిగించవచ్చు. ఉదాహరణకు, పెళ్ళి, శృంగారం, పండుగలు, ప్రేమానుభవాలు వంటి సందర్భాలతో మల్లెపూల వాసన పదేపదే ముడిపడి ఉంటే, తరువాత అదే వాసన వచ్చినప్పుడు ఆ అనుభూతులు మనసులో మళ్ళీ మేల్కొనవచ్చు. దీనిని learned association లేదా conditioned responseగా అర్థం చేసుకోవచ్చు. అందుకే మల్లెపూలను “సహజమైన కామోద్దీపకం” అని చెప్పడం కంటే, వాసన, జ్ఞాపకం, భావోద్వేగం, సాన్నిహిత్యం ల మధ్య ఉండే సంబంధంగా చూడటం సరైనది.

మొత్తం మీద...
మల్లెపూల సువాసన శృంగార పరమైన మూడ్‌ను పెంచడానికి ఒక మంచి ప్రేరకంగా పనిచేస్తుందన్న మాటలో నిజం ఉన్నా, ఇది అందరిలో ఒకేలా పనిచేయాలని లేదు.  ఒకరికి చాలా ఆహ్లాదంగా అనిపించే వాసన మరొకరికి ఏమాత్రం నచ్చకపోవచ్చు. ఇంకొకరికి అది లైంగిక భావాలకన్నా ఏదైనా వ్యక్తి, ప్రదేశం లేదూ జ్ఞాపకాన్ని మాత్రమే గుర్తు చేయవచ్చు.